ხვალ, 18 ნოემბერს, 19:00 საათზე, ნოდარ დუმბაძის სახელობის მოზარდმაყურებელთა თეატრში ძველი ქართული სიმღერების მიხედვით აწყობილი თეატრალიზებული კონცერტის პრემიერა გაიმართება.
პრემიერაზე მაყურებელი გია ყანჩელის, ჯანსუღ კახიძის, მიხაილ ტარივერდიევის, არჩილ კერესელიძის, ნათია ზეინკლიშვილის სიმღერებთან ერთად, მიშა მდინარაძის ახალ ნამუშევრებსაც მოისმენს.
კონცერტში ანსამბლ "სუხიშვილების" მოცეკვავეებიც მიიღებენ მონაწილეობას. თეატრალიზებულ სპექტაკლში მოქმედება საოპერო მომღერლის თენგიზ ზეინკლიშვილის შვილიშვილის - ნუკა მარგველაშვილის გარშემო ვითარდება.
მარგველაშვილის თქმით, მისი გმირი ამ მუსიკალურ წარმოდგენაში საოცნებო სამყაროში ხდება.
"რეალურად მართლა ოცნებები ამიხდა, იმიტომ, რომ რაც ამ ღონისძიების გამო ჩემმა მეგობრებმა გააკეთეს, წარმოუდგენელია, ყველაფერი მათი ენთუზიაზმის ხარჯზე გაკეთდა, დიდი მადლობა ამისთვის თორნიკე გურულს, ნინი დედალამაზიშვილს, რომელმაც გადაწყვიტა, რომ ეს კონცერტი უნდა შემდგარიყო. ქართული წვენების კომპანიას "კულა" და თამარა კოსტავას და საკონდიტრო სახლს "ვანილი" და იმ უამრავ ადამიანს, ვინც უბრალოდ არც ისურვა გამოჩენა და ისე მიდგას გვერდში", - განაცხადა მარგველაშვილმა.
კონცერტის რეჟისორი მაია დობორჯგინიძეა. კოსტიუმების მხატვარი მომღერალი ლიზა ბაგრატიონი, "ატელიე კიკალას" დიზაინერს ლადო ბოკუჩავას ეკუთვნის.