"შოთა ხიზანიშვილის დაკითხვას ნებისმიერი დასასრული შეიძლება ჰქონდეს", - განაცხადა ჟურნალისტებთან "ნაციონალური მოძრაობის" წევრმა ნუგზარ წიკლაურმა შოთა ხიზანიშვილის დაკითხვას კომენტირებისას.
წიკლაური დაკითხვაზე ხიზანიშვილის პროკურატურაში დაბარებას პოლიტიკურ ოპონენტებზე ანგარიშსწორებად აფასებს.
"პრაქტიკა გვიჩვენებს, რომ ხიზანიშვილის დაკითხვას ნებისმიერი დასასრული შეიძლება ჰქონდეს. შეიძლება გამოუშვან, მაგრამ, როგორც წესი, რამდენიმესაათიანი დაკითხვების შემდეგ ხდება ადამიანების დაკავება. ბატონი ხიზანიშვილი შს მინისტრის ყოფილი მოადგილე იყო, ამიტომ ცხადია, ეს არის პოლიტიკურ ოპონენტებზე ზეწოლის მცდელობა", - განაცხადა წიკლაურმა.
შეგახსენებთ, რომ შსს ადმინისტრაციის ყოფილი უფროსი, ბაჩანა ახალაიას მინისტრობის პერიოდში ახალაიას მოადგილე და თბილისის მერის ერთ-ერთი მოადგილე შოთა ხიზანიშვილი პროკურატურაში დაკითხვაზე იმყოფება.