დიდი ბრიტანეთის პრემიერ-მინისტრი დევიდ კემერონი "ყელამდეა" რადიკალური ისლამის მოძღვარისა და "11 სექტემბრის" ერთ-ერთი ორგანიზატორის აბუ კატადის გირაოთი გათავისუფლების გამო. აბუ კატადი ლონგ-ლარტინის ციხიდან, სადაც 7 წელი იმყოფებოდა, გუშინ გამოვიდა.
ბრიტანეთის პრემიერის განცხადებით, ჩინოვნიკებმა გააკეთეს "ყველაფერი შესაძლებელი და შეუძლებელიც".
"ყელამდე მაძღარი ვარ, ეს კაცი ხომ ჩვენს ქვეყანაში რჩება თავისუფლებაზე, მას არ აქვს აქ დარჩენის უფლება. ჩვენ მას ჩვენი ქვეყნის საფრთხედ მივიჩნევეთ", - განაცხადა პრემიერმა და დასძინა, - " მე იმედგაცრუებული ვარ და მესმის ბრიტანელების იმედგაცრუებაც იმ ვითარებაში რომელშიც ჩვენ ვიმყოფებით".
შეგახსნებთ, რომ ლიბერალურმა ბრიტანულმა თემიდამ კვლავ გააოცა მსოფლიო და მათ შორის საკუთარი მთავრობა. "ბი-ბი-სის" ინფორმაციით, იმიგრაციული აპელაციების სპეციალურმა კომისიამ (SIAC)-მა მიიღო დადგენილება რადიკალური ისლამისტური მქადაგებლის აბუ კატადას გათავისუფლების შესახებ. აბუ კატადა ბინ ლადენის მომხრედ და 11 სექტემბრის ტერაქტების ერთ-ერთ ორგანიზატორად მიიჩნევა.
აბუ კატადა იორდანიის მოთხოვნის საფუძველზე დააპატიმრეს. ამ ქვეყანაში ისლამისტი ტერაქტების მომზადებაში ბრალდებულად დაუსწრებლად აღიარეს.
კომისიის მიერ მიღებულ გადაწყვეტილებაში, რომელი კატადას იორდანიაში ექსტრადაციაზე უარის თქმას ეხება ნათქვამია, რომ არსებობს საფრთხე იმისა, რომ იორდანიაში მის მიმართ წამება იქნება გამოყენებული.
თავის მხრივ ბრიტანეთის საშინაო საქმეების საპარლამენტო კომისიის თავმჯდომარემ კიტ ვაზმა კომისიის მიერ მიღბულ გადაწყვტილებას "ფარსი" უწოდა.
ქვეყნის შს სამინისტრომ, რომელიც აბუ კატადას გაძევებაზე ოცნებობს და რომელმაც ისლამისტი ეროვნული უსაფრთხოების საშიშროებად გამოაცხადა განაცხადა, რომ იმიგრაციული აპელაციების სპეციალური კომისიის მიერ მიღებულ გადაწყვეტილებას გაასაჩივრებს.
51 წლის აბუ კატადას ნამდვილი სახელი ომარ მაჰმუდ მოჰამმედ ოტმანია. იგი დიდ ბრიტანეთში 1993 წელს ყალბი დოკუმენტებით ჩავიდა. პირველად ის 2002 წელს დააპატიმრეს. მას შემდეგ იგი რამდენჯერმე დააკავეს და გაათავისუფლეს.
ვინაიდან კატადა არსად არ მუშაობს, ის, მისი მეუღლე და ხუთი შვილი ბრიტანეთის მთავრობისგან დახმარებას იღებენ.
ბრიტანეთის მთავრობა მათ უხდის მათ შორის სახლის ქირას, რომელიც "უემბლის" სტადიონის ახლოს მდებარეობს. სახლი პოლიციის მუდმივი მეთვალყურეობის ქვეშ იმყოფება.