,,იუსტიციის სამინისტრო აპირებს სისხლის სამართლის სისტემაში არსებული გარემოს გაუმჯობესებას", -აღნიშნულის შესახებ ჟურნალისტებთან იუსტიციის მინისტრის მოადგილემ სანდრო ბარამიძემ განაცხადა, რომელიც ახალგაზრდა იურისტთა ასოციაციის მიერ ორგანიზებულ შეხვედრას სისხლის სამართლის მართლმსაჯულებაში არსებული ხარვეზების შესახებ ესწრებოდა.
სანდრო ბარამიძის განცხადებით, იუსტიციის სამინისტრომ სამართლის სისტემის გასაუმჯობესებლად პირველი ნაბიჯი უკვე გადადგა, როცა ,,სასჯელის შთანთქმის პრინციპი აღვადგინეთ". Aროგორც ბარამიძემ ჟურნალისტებთან განაცხადა უახლოეს სამი თვის განმავლობაში დაგეგმილია საპროცესო შეთანხმებასთან დაკავშირებით აქტიური მუშაობა.
,,ჩვენთვის ამ მიმართულებით ,,საიას" და სხვა არასამთავრობო ორგანიზაციის რეკომენდაციების მისაღებია და ჩვენ დავესწრებით ყველა მსგავს შეხვედრასა, თუ ფორუმს რათა საჯაროდ ვიმსჯელოთ პრობლემებზე", -განაცხადა ბარამიძემ.
შეგახსენებთ, რომ ახალგაზრდა იურისტთა ასოციაცია სისხლის სამართლის
მართლმსაჯულებაში არსებულ ხარვეზებზე საუბრობს და პარლამენტსა და
სასამართლოს შესაბამისის რეკომენდაციიტ მიმართავს.
