ნორვეგიის სამეფოში საქართველოს საგანგებო და სრულუფლებიანმა ელჩმა მამუკა ციხელაშვილმა რწმუნებათა სიგელები გადასცა ნორვეგიის მეფეს, ჰარალდ V. ტრადიციული ცერემონიის შემდეგ, გაიმართა ელჩის პირისპირ შეხვედრა მის უდიდებულესობასთან. შეხვედრაზე განხილულ იქნა საქართველოსა და ნორვეგიას შორის ორმხრივი ურთიერთობები, მათ შორის თანამშრომლობა ენერგეტიკის, ტურიზმის, განათლების და რიგ სხვა სფეროებში.
მეფე, თავის მხრივ, მიესალმა 2012 წლის ოქტომბრის საქართველოს საპარლამენტო არჩევნების დემოკრატიულად ჩატარებას. საუბარი შეეხო, ასევე, საქართველოს ისტორიას, მის კულტურასა და ტრადიციებს, მრავალფეროვან ბუნებას, ქვეყნის ტურისტულ და საინვესტიციო პოტენციალს.
შეხვედრის დასასრულს, მისმა უდიდებულესობამ კიდევ ერთხელ ხაზი გაუსვა ნორვეგიის სამეფოში საქართველოს საელჩოს გახსნის უდიდეს მნიშვნელობას და წარმატება უსურვა საქართველოს ელჩს და მთლიანად საელჩოს მომავალ საქმიანობაში, ხოლო ქართველ ხალხს - მშვიდობა და კეთილდღეობა.