შესაძლოა, მურმან დუმბაძის განცხადება გამხდარიყო ტონის მიმცემი ნიგვზიანის დაპირისპირების, _ განაცხადა ჟურნალისტებთან ,,ნაციონალური მოძრაობის" პრესსპიკერმა ჩიორა თაქთაქიშვილმა სოფელ ნიგვზიანის ფაქტის კომენტირებისას.
"საქართველო არის ქვეყანა, სადაც თავს იყრის სხვადასხვა წარმომავლობის სხვადასხვა ეთნიკური ნიშნის, მრწამსის მქონე მოქალაქეები და ნებისმიერი ასეთი დაპირისპირება დაუშვებელია. ამ სიტუაციაში თითოეული პარტიის ამოცანაა ზომები მივიღოთ იმისთვის, რომ ადგილი არ ჰქონდეს დაპირისპირებას. მივიღოთ ზომები იმისთვის, რომ თითოეული საქართველოს მოქალაქის აღმსარებლობის თავისუფლება დაცული უნდა იყოს ", _განაცხადა თაქთაქიშვილმა, რომელმაც აღნიშნა, რომ პარლამენტის ვიცე-სპიკერის განცხადება აღმაშფოთებელია. თაქთაქიშვილის განცხადებით შესაძლოა, სწორედ დუმბაძის განცხადება გამხდარიყო ,,ტონის მიმცემი იმ დაპირისპირებისთვის, რომელსაც დღეს აქვ ადგილი" _ განაცხადა თაქთაქიშვილმა.
შეგახსენებთ, რომ პარლამენტის ვიცე-სპიკერის განცხადებით, ყველა ადამიანს აქვს ლოცვის თავისუფლება, მაგრამ სამლოცველოს თურქეთის რესპუბლიკის მოქალაქე აშენებს და რელიგიურ პროზელიტიზმს ეწევა, რომელსაც არ დავუშვებთ.
