გუბერნატორების დანიშვნის უფლებამოსილება პრეზიდენტის ნაცვლად , შესაძლოა, პრემიერ-მინისტრს მიენიჭოს. როგორც მთავრობის სხდომის დაწყებამდე რეგიონული განვითარების მინისტრმა დავით ნარმანიამ განაცხადა, კანონში "საქართველოს მთავრობის სტრუქტურის, უფლებამოსილებისა და საქმიანი წესის შესახებ" შედის ცვლილება, რომლის მიხედვით, გუბერნატორების დანიშვნის უფლება პრემიერ-მინისტრს უნდა მიენიჭოს.
ნარმანიას თქმით, დღეისთვის გუბერნატორი რეგიონში არის პრეზიდენტის წარმომადგენელი, რომელიც სხვადასხვა პროექტებზე აკეთებს მონიტორინგს და ამ პროექტებს მთავრობა აფინანსებს. ლოგიკური იქნება, გუბერნატორებზე ზედამხედველობა მთავრობამ განახორციელოს და მათი კანდიდატურები პრემიერმა წარადგინოს .
