დღეს პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე სოფლის მეურენობის მინისტრ დავით კირვალიძესთან შეხვედრას გამართავს.
შეხვედრაზე განიხილება ის საკითხები, თუ როგორ უნდა მოხდეს ქართული ნაწარმის რუსეთში ექსპორტი. აბაშიძე აცხადებს, რომ საქართველო-რუსეთს შორის სავაჭრო ურთიერთობების აღდგენა ერთ-ერთი მთავარი სტრატეგიაა, რომელზეც მხარეებმა მოლაპარაკებები უნდა გამართონ.
შეგახსენებთ, რომ პრემიერ-მინისტრმა თავის სპეციალურ წარმომადგენლად რუსეთის ფედერაციაში ზურაბ აბაშიძე დანიშნა. ბიძინა ივანიშვილის თქმით, აბაშიძე გამოცდილი დიპლომატია და კარგი კავშირები აქვს რუსეთთან. ივანიშვილი იმედს გამოთქვამს, რომ ქართული მხარის მიერ გადადგმულ ამ ნაბიჯს რუსეთის მხრიდან საპასუხო ნაბიჯები მოჰყვება. როგორც პრემიერმა განაცხადა, პირველ რიგში სავაჭრო და კულტურული ურთიერთობები აღდგება, რის შემდეგაც დიპლომატიური ურთიერთობის აღდგენა დაიწყება. ექსპერტების შეფასებით, აბაშიძე კარგი დიპლომატია და რუსეთთან ვაჭრობისა და კომუნიკაციების საკითხების დარეგულირებას შეძლებს.
