.,,ლაშა ნაცვლიშვილი ღირსეული პიროვნებაა და საეჭვოა, რომ ასეთი პოზიცია ჰქონოდა", _ განაცხადა ჟურნალისტებთან პრემიერ-მინისტრმა ,,ნაციონალური მოძრაობის" ბრალდებების კომენტირებისას და აღნიშნა, რომ შს მინისტრის მოადგილის ლაშა ნაცვლიშვილის 2008 წელს გაკეთებულ განცხადებას არ იცნობს.
,,ლაშა ძალიან ჭკვიანი კაცია და ჯერ მინდა გავერკვე. თქვა, თუ არა ჯერ ის უნდა დაზუსტდეს და, თუ თქვა რა ჰქონდა მხედველობაში ხშირად ჟურნალისტები კონტექსტიდან ჭრიან სიტყვებს და ისე იყენებენ და ის სულ სხვა დანიშნულებას იძენს", _განაცხადა ივანიშვილმა.
შეგახსენებთ, რომ ,,ნაციონალური მოძრაობა" შს მინისტრის ზოგიერთ მოადგილის კომპეტენციის საკითხს ეჭვქვეშ აყენებებს და კითხვები აქვთ. ,,ნაციონალურმა მოძრაობის" წევრა ზურაბ ჯაფარიძემ პარტიის ცენტრალურ ოფოსში გამართულ პრესკონფერენციაზე ლაშა ლაცვლიშვილის 2008 წელს გაკეთებული განცხადება გაიხსენა. კერძოდ, ,, ხანდახან ვფიქრობ, რომ შესაძლოა უკეთესი ყოფილიყო, თუ რუსეთი თბილისს აირებდა", -განაცხადა ჯაფარიძემ, რომელმაც აღნიშნა, რომ ლაშა ნაცვლიშვილმა აღნიშნული განცხადება 2008 წელს ერთ-ერთ რუსულ გამოცემასთან გააკეთა.
