ჩვენი ამოცანაა რუსეთთან ჩამოვაყალიბოთ პროგნოზირებადი, პრაგმატული და კეთილსინდისიერი ურთიერთობა, _განაცხადა ჟურნალისტებთან ზურაბ აბაშიძემ, რომელიც პრემიერმა სპეციალურ წარმომადგენლად რუსეთის ფედერაციასთან ურთიერთობის საკითხებში დაინიშნა.
აბაშიძის განცხადებით, პოლიტიკური დიალოგის ახალი ფორმატის მიზანი ორ ქვეყანას შორის არსებული ურთულესი პრობლემების განხილვა და მოწესრიგება უნდა იყოს.
,,ჩვენი ამოცანაა რუსეთთან ჩამოვაყალიბოთ პროგნოზირებადი, პრაგმატული და კეთილსინდისიერი ურთიერთობა, რომელიც ორიენტირებული იქნება მომავალზე, სამართლიან გადაწყვეტილებებზე, ასევე ერთობლივი საფრთხეებისა წინააღმდეგ, კოორდინირებულ ქმედებაზე. ამ მიზნის მისაღწევად საქართველომ უნდა გადადგას ყველა ის ნაბიჯი, რომელიც შეესაბამება სუვერენიტეტის, ტერიტორიული მთლიანობის აღდგენას ", _ განაცხადა აბაშიძემ, რომელმაც აღნიშნა, რომ სპეციალური თანამდებობის შემოღება იმაზე მიუთითებს, რომ ბიძინა ივანიშვილი განსაკუთრებულ მნიშვნელობას ანიჭებს რუსეთთან ურთიერთობას.
შეგახსენებთ, რომ ბიძინა ივანიშვილმა პრემიერ-მინისტრის სპეციალურ წარმომადგენლად რუსეთის ფედერაციასთან ურთიერთობის საკითხებში ზურაბ აბაშიძე დაინიშნა.
