მთავრობამ სოციალურად დაუცველი მოსახლეობის დასახმარებლად სამოქმედო გეგმა შეიმუშავა. როგორც ჟურნალისტებთან ჯანდაცვისა და სოციალური დაცვის მინისტრმა განაცხადა აღნიშნული გეგმის განხორციელება უკვე დაიწყო. სერგეენკოს განაცხადებით, სოციალურად დაუცველ ოჯახებში სოციალური აგენტები მივლენ და მათ კითხვარებს შეავსებინებენ. როგორც დავით სერგეენკომ მთავრობის სხდომის დასრულების შემდეგ განაცხადა სპეციალური კითხვარის შევსებას რამდენიმე მიზანი აქვს კერძოდ:
,,შევსებული ანკეტების საშუალებით დიფერენცირება მოხდება რამდენია ღარიბი, სოციალურად დაუცველი ადამიანი და რამდენი ხელოვნურად მიკედლებული და მათი რაოდენობა არც, თუ ისე მცირეა. Mმეორე ამოცანა არის ის, რომ მივიღოთ დამატებითი ინფორმაცია კიდევ რით შეგვიძლია დავეხმაროთ სოციალურად დაუცველებს იქნება ეს ჯანმრთელობისა, თუ ინვალიდობის საკითხი. დამატებითი ინფორმაცია რასაც ანკეტის საშუალებით მივიღებთ იქნება, ის რომ იმ შემთავევაში, თუ სოციალირად დაუცველ ოჯახებში შრომისუნარიანი ადამიანია, მას დასაქმებას შევთავაზებთ", _ განაცხადა სერგეენკომ.
მისივე განცხადებით, უახლოეს პერიოდში ბიუჯეტიდან მოხდება თანხის გამოყოფა იმ ადამიანებისთვის ვისაც თავშესაფარი არ აქვთ. სერგეენკოს განცხადებით, ამ კატეგორიის ადამიანებს სამინისტრო ბინებს უქირავებს.
ჯანდაცვის მინისტრის განცხადებით, სოციალურად დაუცველი მოსახლეობის რეგისტრაცია კვირის ბოლომდე დასრულდება. ხოლო ორშაბათიდან კი არსებული ინფორმაციის დამუშავება დაიწყება.
შეგახსენებთ, რომ უკვე რამდენიმე დღეა სოციალურად დაუცველი მოსახლეობა ბინებით უზრუნველყოფას ითხოვს.