"ამ დროისათვის აფხაზეთისა და სამხრეთ ოსეთის დამოუკიდებლობის აღიარების საკითხს, ბელარუსისათვის უფრო სტატუსის ხასიათი აქვს",_ განცხადება ამის შესახებ პოლიტოლოგმა ნიკოლაი რადოვმა გააკეთა ბელარუსისა და რუსეთის საგარეო საქმეთა მინისტრების შეხვედრის კომენტირებისას.
პოლიტოლოგი ასევე აცხადებს, რომ ბელარუსის ხელისუფლების მიერ აფხაზეთისა და ე.წ. სამხრეთ ოსეთის დამოუკიდებლობის აღიარების საკითხი პოლიტიკური ვაჭრობის საგანია. მოსკოვი გაცხადებული პოზიციის დეკლარირებას ახდენს, მინსკიც. თუმცა ბელარუსის ხელისუფლების პოზიციაზე, შესაძლოა, რესპუბლიკაში ეკონომიკური სიტუაციის გაუარესებამ იმოქმედოს. სიტუაცია, შესაძლოა, მნიშვნელოვნად გაუარესდეს თუ მოსკოვი მოკავშირეს ნომინალურ "ნავთობის პრეფერენციებს" წაარმევს.
"აფხაზეთისა და სამხრეთ ოსეთის აღიარების საკითხი რუსეთის მიერ დღის წესრიგიდან მოხსნილი არ არის. საერთაშორისო საზოგადოების მხრიდან კი ამ მიმართულებით რაიმე სახის სერიოზული დემარშების ლოდინი არ ღირს. სხვა საქმეა, ბელორუსი, განსაკუთრებით დღეს, როდესაც მოსკოვს თავისთვის ნავთობპროდუქტების უკრაინასა და ევროკავშირში განხორციელებული ექსპორტისგან, პრაქტიკულად მოპარული მოგების 1,5 მილიარდი აშშ დოლარის დაბრუნება სურს.
ამიტომაც მინსკში ყველანაირად ეცდებიან გაიხსენონ აღიარების პრობლემის შესახებ და კიდევ ერთხელ გაათამაშონ მოკავშირული ბანქო. მაგრამ ეს უკვე აღარ გამოვა, ვინაიდან მოსკოვში მინსკის დაპირებებისა უკვე აღარ სჯერათ", _ აცხადებს პოლიტოლოგი.
მისივე თქმით, ბელორუსის პრეზიდენტი, რომელმაც აღიარების საკითხი ფორმალურად პარლამენტის მხრებზე გადაიტანა (ანუ ხალხმა გადაწყვიტოსო) დღეს დაკავებულია იმით, რომ რუსეთის შანტაჟის ახალი ინსტრუმენტები მონახოს. მართალია, ჯერჯერობით უშდეგოდ. კრემლმაც ბელორუსს ერთგვარად მოუგო - ჯერ მისცა უფლება კონტრაბანდით დაკავებულიყო, შემდეგ კი აბსოლუტურად ლეგალურად გამოაცხადა პრეტენზიები 1,5 მილიარდ დოლარზე.
"ეს კი უკვე ძალიან სერიოზული არგუმენტია, რომელიც ლუკაშენკოს არ მისცემს საშუალებას მანევრები განახორციელოს პოლიტიკისა და ეკონომიკის სფეროებში. ამიტომაც, თუ რუსეთი მოითხოვს, რომ ბელორუსის ლიდერმა თავისი ადრინდელი დაპირებები შეასრულოს და ამის სანაცვლოდ ვალებსა და კონტრაბანდაზე თვალის დახუჭვას დაჰპირდება ლუკაშენკოს აფხაზეთისა და სამხრეთ ოსეთის აღიარების გარდა სხვა გზა არ დარჩება. ამასთან, მიხეილ სააკაშვილისადმი მთელი "სიყვარული" და "საინტერესო" იდეები საქართველოს დსთ-ში დაბრუნების საკითხში მნიშვნელობას დაკარგავს, ვინაიდან სასწორზე პოლიტიკური სტაბილურობა იდება - ერთადერთი რამ რაც ბელორუსის ხელისუფლებას დარჩა", - აცხადებს რადოვი და აღნიშნავს, რომ უახლოეს ერთ წელიწადში "არავინ არაფერს აღიარებს".
"უახლოეს ერთ წელიწადში არავინ არაფერს აღიარებს. ამისთვის არც რუსეთს სცალია ახლა და არც ბელარუსს. რუსეთს ახლა არ აქვს არავითარი საჭიროება იმისა, რომ მოვლენების ფორსირება მოახდინოს: ცხვირზე საქართველოს საპრეზიდნეტო არჩევნებია, სადაც აფხაზურ -ოსური საკითხი საკმაოდ მწვავედ დადგება. ზედმეტად თბილისის გაღიზიანებას ახლა არავინ არ აპირებს, მით უფრო რომ იქ ნაკებსავარაუდოა, რო ოდესმე თავისი ტერიტორიის დაკარგვას ვინმე დაეთანხმოს.
მინსკს კი მხოლოდ ის რჩება, რომ რუსეთის საგარეო პოლიტიკის ჩარჩოში იმოქმედოს და საკუთარი არსებობა ხანხადან ყველას შეახსენოს. აქაც კი მინსკის მიერ აფხაზეთისა და სამხრეთ ოსეთის აღიარების საკითხი თითქმის ერთადერთი საშუალებაა მოსკოვი დაძაბოს", - აცხადებს პოლიტოლოგი.