არ დავუშვებთ ციხეებს ავტორიტეტები მართავდნენ, - განუცხადა ჟურნალისტებს სასჯელაღსრულების, პრობაციისა და იურიდიული დახმარების საკითხთა მინისტრმა სოზარ სუბარმა მტავრობის სხდომის დასრულების შემდეგ რუსთავის #16 დაწესებულებაში შექმნილი ვითარების კომენტირებისას.
მისი თქმით, არსებობდა მცდელობა რუსთავის 16 დაწესებულებაში არეულობა შეექმნათ.
" აქ არიან ე.წ. კრიმინალური ავტორიტეტები, რომელსაც ხელისუფლება ვითომ ებრძოდა, თუმცა სინამდვილეში ძალიან ბევრი გავლენებით სარგებლობდნენ და ახლა არ დავუშვებთ რომ ციხეებს ავტორიტეტები მართავდნენ", - განაცხადა სუბარმა და აღნიშნა, რომ ყველა პატიმრის უფლება დაცული იქნება.
"ციხეებს მართავს ადმინისტრაცია და არა სხვა ვინმე. ყველას უფლება იქნება დაცული და არავის ეყოლება იმაზე მეტი დამცველი, ვიდრე არის, მინისტრი და სასჯელაღსრულების დეპარტამენტის ხედლმხძღვანელი.",- განაცხადა სუბარმა და აღნიშნა, რომ სასჯელაღსრულების დეპარტამენტის ხელმძღვანელს უახლოეს საათებში დაასახელებს.
