პრემიერ-მინისტრმა ბიძინა ივანიშვილმა იუსტისციის მინისტრის მოადგილეებად დავით ჯანდიერისა და ალექსანდრე ბარამიძის დანიშვნის ბრძანებულებას ხელი მოაწერა.
იუსტიციის პირველი მოადგილე დავით ჯანდიერი რობერტ შუმანის სახელობის სტრასბურგის უნივერსიტეტის საერთაშორისო საჯარო სამართალის დოქტორანტია. მას აქვს სტრასბურგის უნივერსიტეტის ევროპული სწავლების უმაღლესი სკოლის მაგისტრის ხარისხი ადამიანის უფლებათა ევროპულ სამართალში. დამთავრებული აქვს ივანე ჯავახიშვილის სახელობის ბათუმის სამართლის ინსტიტუტის იურიდიული ფაკულტეტი.
სტაჟირება გაიარა სტრასბურგის ადამიანის უფლებათა ევროპულ სასამართლოში. გავლილი აქვს ასევე საქართველოს ადვოკატთა ასოციაციის ტესტირება სისხლის სამართლსა და სამოქალაქო სამართალში.
დავით ჯანდიერი ქალაქ კოლუმბიის (აშშ, მისურის შტატი) საპატიო მოქალაქეა.
მინისტრის მოადგილე, სამართალმცოდნე და ადვოკატი ალექსანდრე ბარამიძე საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის საერთაშორისო სამართლის დოქტორანტია. დამთავრებული აქვს თბილისის ივანე ჯავახიშვილის სახელობის სახელმწიფო უნივერსიტეტის იურიდიული და აღმოსავლეთმცოდნეობის ფაკულტეტები.
სხვადასხვა დროს მონაწილეობდა ადვოკატთა ტრენირების ეროვნული ინსტიტუტის (NITA აშშ), ამერიკული და საერთაშორისო სამართლის ცენტრის (CAIL აშშ), ამერიკის იურისტთა ასოციაცია/ცენტრალური და აღმოსავლეთ ევროპის სამართლებრივი ინიციატივის პროგრამებში.
ალექსანდრე ბარამიძე საქართველოს ადვოკატთა ასოციაციის სისხლის სამართლის კომიტეტის წევრი, იურიდიული კომპანია `პროცესის", „ანდრონიკაშვილი და პარტნიორები ადვოკატი/პარტნიორი და ამერიკის იურისტთა ასოციაციის სერთიფიცირებული ტერენერია. არის კავკასიის მედიის სკოლის ასისტენტ-პროფესორი. საქართველოს საზოგადოებრივ საქმეთა ინსტიტუტში მიჰყავს მედიასამართლის კურსი ჟურნალისტიკის განყოფილებისა და სამართლის სამაგისტრო პროგრამის სტუდენტებისთვის. საქართველოს ტექნიკურ უნივერსიტეტიში ასევე მიჰყავდა მედიასამართლის კურსი ჟურნალისტიკის ფაკულტეტის სტუდენტებისთვის.
ალესქნდრე ბარამიძე იყო საქართველოს სახელმწიფო მუზეუმის უმცროსი მეცნიერ-თანამშრომელი და საქართველოს ტელევიზიისა და რადიოს სახელმწიფო კომიტეტის პოლიტიკური მიმომხილველი.