დევნილებისა და სოციალური დაუცველი მოსახლეობის მიერ სახელმწიფო ფართებში შეჭრის ფაქტებზე მთავრობის სხდომის დაწყებდა კომენტარი პრემიერ-მინისტრნმა ბიძინა ივანიშვილმა გააკეთა. მან აღნიშნა, რომ ამ ყველაფერს აქვს ორგანიზებული ხასიათი და მათ უკან რაღაც ჯგუფები დგას, რასაც პრემიერ-მინისტრის აზრით გამოძიება და კვლევა სჭირდება.
"დღეს გახლავთ ახალი მთავრობის პირველი ოფიციალური სხდომა, რომლის დღის წესრიგშიც პირველი საკითხია მთავრობის განკარგულების პროექტი კერძო ან სახელმწიფო ფართებში უკანონოდ მყოფთა აღრიცხვისთვის გასატარებელი ღონისძიებების შესახებ. ეს ძალიან საინტერტესო საკითხია, რომელიც დავით სერგეენკოს მიერაა შემოტანილი. თანაც დღეს იცით როგორი ვითარებაა. ეს პროცესები მე მგონი შემთხვევითი არ არის. ძალიან ბევრი შეჭრები ხდება დევნილების მიერ და ძალიან ჰგავს იმას, რომ ეს არის ორგანიზებული რაღაც ჯგუფების მიერ. ამას ყველაფერს კი გამოკვლევა დასჭირდება.",- განაცხადა ივანიშვილმა.