საქართველოს მთავრობა გამოხატავს ღრმა მწუხარებას ჩრდილოეთ ამერიკაში მიმდინარე სტიქიური უბედურების გამო, რომლის დროსაც ქარიშხალმა „სენდიმ", არსებული ინფორმაციით, ამერიკის შეერთებულ შტატებსა და კანადაში 13-ზე მეტი, ხოლო კარიბის ზღვის რეგიონში 70 ადამიანი იმსხვერპლა და მნიშვნელოვანი მატერიალური ზარალი გამოიწვია.
ქართველი ხალხი მხარდაჭერას უცხადებს სტიქიური უბედურების შედეგად დაზარალებულ ხალხს ამ მძიმე პერიოდში და თანაგრძნობას გამოხატავს დაღუპულთა ოჯახების მიმართ.