31 ოქტომბერს და 2 ნოემბერს გოეთეს ინსტიტუტსა და ლიტერატურის მუზეუმში გაიმართება ლიტერატურული საღამოები გერმანელ ავტორებთან ერთად.
ლიტერატურულ საღამოებზე ხუთი გერმანელი ავტორი მთარგმნელებთან ერთად თავიანთ ახალ ნამუშევრებს წარადგენენ.
ღონისძიებაზე მიიღებენ მონაწილეობას ავტორები: ჯენი ერპენბეკი ("დრო ვერაფერს გვიჩვენებს", 2012) და მაია ბადრიძე; მიხაელ კუმფმიულერი ("ცხოვრების მშვენიერება", 2011 წ.) და ნინო ოსეფაშვილი; ოლგა გრიაზნოვა ("რუსს არყის ხეები უყვარს", 2012 წ.) და ერეკლე ჩიგოგიძე; ანეტ გრიოშნერი ("ვალპურგის დღე", 2011 წ.) და მაია ბადრიძე; ბენიამინ შტაინი ("Replay", 2012 წ.) და ივანე მინდაძე, მოდერაცია: ლაშა ბაქრაძე (ლიტერატურის მუზეუმის დირექტორი).
ღონისძიებები ჩატარდება გერმანულ და ქართულ ენებზე.
ღონისძიება ტარდება გერმანიის საგარეო საქმეთა სამინისტროს მხარდაჭერით.