ხვალ, 30 ოქტომბერს, 19:45 საათზე, რუსთაველის თეატრის დიდ საცენაზე თანამედროვე ბალეტის "ალვას" პრემიერა გაიმართება.
იოჰან სებასტიან ბახის, გია ყანჩელის, არვო პიარტის, ვალენტინ სილვესტროვის, ვიქტორ კისინის ნაწარმოებეის მიხედვით ბალეტი ქორეოგრაფმა მარიამ ალექსიძემ და რეჟისორმა გელა კანდელაკმა დადგა.
ბალეტი ერთ მოქმედებად იქნება წარმოდგენილი. მონაწილეობენ წამყვანი სოლისტები - ნაჰუელ-ალეჰანდრო ვეგა, (არგენტინა) ნინო გოგუა და ეკატერინე სურმავა. სოლისტები - შორენა ხაინდრავა, დავით ანანიაშვილი, ნათია ბუნტური, ლანა მღებრიშვილი, ნატალია რიგვავა, სოფო ფანცულაია, ეკატერინე ლომინაძე, უილიამ პრატი და გაბრიელ გოგუა.
სპექტაკლი განხორციელდა "თბილისის კულტურული ღონისძიებების ცენტრის" მხარდაჭერით.