შს მინისტრი ირაკლი ღარიბაშვილი მოადგილეების ვინაობას 29 ან 30 ოქტომბერს დაასახელებს. როგორც ჟურნალისტებთან ღარიბაშვილმა განაცხადა მას კარგად აქვს გაცნობიერებული დაკისრებული პასუხისმგებლობა და ის იქნება ჰუმანური, თუმცა სამართლიანი.
,,მე ვიქნები პირველი მეგობარი და უფლების დამცველი თითოეული მოქალაქის, ამავდროულად ვიქნები პირველი მეგობარი თითოეული პოლიციელის, თანამშრომლის. ვიქნები შეურიგებელი კრიმინალთან და დაუძინებელი მტერი ყოველი დამნაშავის", - განაცხადა ღარიბაშვილმა.
შეგახსენებთ, რომ მინისტრთა ახალი კაბინეტის შემადგენლობამ მუშაობას უკვე შეუდგა.