„დემოკრატიული მოძრაობა" ხელისუფლების კრიტიკაზე სამ თვიან მორატორიუმს აცხადებს, - ამის შესახებ ნათქვამია „დემოკრატიული მოძრაობის" მთავარი საბჭოს მიერ გავრცელებულ განცხადებაში. აქვე აღნიშნულია, რომ გასაგებია სურვილი და მოლოდინი, რომ ქვეყანაში არსებული ყველა პრობლემა მყისიერად მოგვარდეს, თუმცა ახალი მთავრობის მიერ აღებული ვალდებულებები კი იმდენად მასშტაბური და მრავლისმომცველია, რომ მათი განხორციელებისათვის გარკვეული პერიოდია საჭირო, "მით უფრო იმის გათვალისწინებით, რომ ახალ ხელისუფლებას „ნაციონალური მოძრაობისაგან" მემკვიდრეობით ერგო უმძიმესი ვითარება ყველა მიმართულებით".
"ლოგიკურია, რომ ახალ ხელისუფლებას საზოგადოებისა და პოლიტიკური ძალებისაგან მიეცეს დრო, რომ მოახდინოს საკუთარი ძალების მობილიზება ქვეყანაში არსებული პრობლემების შესწავლისა და მოგვარებისთვის. აქედან გამომდინარე „დემოკრატიული მოძრაობა" აცხადებს სამ თვიან მორატორიუმს ხელისუფლების კრიტიკაზე და მოუწოდებს როგორც პოლიტიკურ პარტიებს, ასევე მთელს საზოგადოებას შემოუერთდეს ჩვენს ინიციატივას", - ნათქვამია განცხადებაში.