საქართველოს საგარეო საქმეთა მინისტრმა მოადგილეების პოსტზე დავით ზალკანიანი და გიორგი ხელაია წარადგინა. როგორც ფანჯიკიძემ ჟურნალისტებთან განაცხადა, ზალკანიანისგან განსხვავებით, რომელიც საგარეო უწყებაში 18 წელი მუშაობდა, გიორგი ხელაიას მისგან განსხვავებით საგარეო საქმეთა სამინისტროში მუშაობის გამოცდილება არ აქვს.
,,მეორე მოადგილე იქნება გიორგი ხელაია, რომელიც ამ უწყებაში არ მუშაობდა, მაგრამ არის კარგი ფინანსისტი და ეკონომისტი და მას სამინისტროში შესაბამისი თემების წაყვანა დაევალება", _განაცხადა ფანჯიკიძემ.
მისივე განცხადებით, მინისტრის მოადგილის თანამდებობაზე ორი ადგილი ვაკანტურია.
,,ვაკანტურია მინისტრის მოადგილის თანამდებობა და ჯერჯერობით არ ვაპირებ ამ ორი ვაკანტური ადგილის დასახელებას. ჯრ მინდა შევხვდე ადამიანებს, რომლებიც სამინისტროში მუშაობდნენ და შემდეგ გადავწყვიტოთ ეს საკითხი", _განაცხადა ფანჯიკიძემ, რომელმაც აღნიშნა, რომ სამინისტროში ყველა პროფესიონალი ადამიანი სამსახურს შეინარჩუნებს.
შეახსენებთ, რომ საგარეო საქმეთა მინისტრს სულ ხუთი მოადგილე ჰყავს. Aამ ეტაპზე მაია ფანჯიკიძეს სამი მოადგილე დავით ზალკანიანი, გიორგი ხელაია და ნიკოლოზ ვაშაკიძე უკვე ჰყავს.
