"იწყება დაპირებების შესრულების დრო", _ განაცხადა პრემიერ-მინიტრმა ბიძინა ივანიშვილმა მთავრობის დამტკიცების შემდეგ. როგორც ივანიშვილმა განაცხადა, ის ხელისუფლებაში კარგ გუნდთან ერთად მოვიდა.
"ხელისუფლებაში საინტერესო გუნდთან ერთად მოვედი. პარლამენტიც საინტერესო წევრებით დაკომპლექტდა, უმრავლესობა მაქვს მხედველობაში და იწყება დაპირებების შესრულების დრო", - განაცხადა ივანიშვილმა და აღნიშნა, რომ უახლოეს პერიოდში ქვეყნის განვითარება დაიწყება.
"ძალიან მძიმე ტვირთი გვაწევს, ბევრი დაპირება გავეცით, მაგრამ საქართველოს მოსახლეობას ვარწმუნებ, რომ გავაკეთებთ მეტს და საწრაფოდ იგრძნობთ იმას, რასაც გპირდებოდით. მთელი გუნდი მომართულია იმისთვის, რომ საქართველოში დაიწყოს ჭეშმარიტი ეკონომიკური აღორძინება, პირველ რიგში, ძალიან სწრაფად აღდგება სამართლიანობის განცდა. უახლოეს რამდენიმე წელიწადში უნდა მოვახერხოთ და ქვეყანა უნდა ჩავაყენოთ მოწინავე ევროპული ქვეყნების რიგში", - განაცხადა ივანიშვილმა.
შეგახსენებთ, რომ მთავრობის ახალი შემადგენლობა და პროგრამა დეპუტატებმა დღეს დაამტკიცეს.
