,,ნაციონალური მოძრაობა" უღრან ტყეშია", -განაცხადა ,,ქართული ოცნების" ერთ-ერთმა ლიდერმა გუბაზ სანიკიძემ პარლამენტში სიტყვით გამოსვლისას და ,,ნაციონალურ მოძრაობას" მიმართულების გასარკვევად დახმარებას დაჰპირდა.
,,თქვენ არ ხართ სრულფასოვანი პარტია, თქვენ პირველად განიცადეთ დამარცხება და წარმატებას გისურვებთ დამარცხების წარმატებულად გადატანაში, თუმცა თქვენი მდგომარეობის შესახებ მინდა შეგახსენოთ მეგობრული რჩევით: თქვენ, როგორც ჩანს, რეალობას ხართ მოწყვეტილი და განაგრძობთ ამ მდგომარეობაში ყოფნას. თქვენ ახალა ხართ უღრან ტყეში და იქნებ მოძებნოთ გზა და სამშვიდობოზე გამოხვიდეთ. ვერ ერკვევით ვერც გეოგრაფიაში, ვერც მიმართულებებში, ვერც ვარსკვლავებზე ახერხებთ ორიენტირებას, ამიტომ ამაში მოგეხმარებით, რომ გაერკვეთ და მოძებნოთ თქვენი ადგილი", -განაცხადა სანიკიძემ.
მასალის გამოყენების პირობები