,,საუბარი იმაზე, რომ საქართველოს ხელისუფლების მიზეზი იყო ის, რომ რუსეთს ოკუპირებული აქვს ჩვენი ქვეყნის ტერიტორიები ჩემი ღრმა რწმენით, გახლავთ საქართველოს ეროვნული ინტერესების დამაზიანებელი", _ განაცხადა ,,ნაციონალური მოძრაობის" ერთ-ერთმა ლიდერმა ნუგზარ წიკლაურმა, რომელმაც ბიძინა ივანიშვილს მოუწოდა თავი შეიკავოს მსგავსი ტიპის განცხადებებისგან.
,, ამ ტიპის განცხადებები და გამონათქვამები აფერხებს და საფრთხეს უქმნის ჩვენი ქვეყნის სუვერენიტეტის, დეოკუპაციის პროცესს, არაღიარების პოლიტიკას, რაც არის ქვაკუთხედი ჩვენი ქვეყნის საგარეო პოლიტიკის", - განაცხადა წიკლაურმა.
მისივე განცხადებით, ,,ქართული ოცნების" სამთავრობო პროგრამაში არაფერია ნათქვამი ოკუპაციის შესახებ, რაც ქვეყნის ინტერესების შელახვაა.
"თქვენ ამიერიდან ხართ მთავრობა და ყველა ქვეყნის მთავრობა დაკავებული უნდა იყოს ქვეყნის ეროვნული ინტერესების დაცვის, ეროვნული უსაფრთხოებისა და სუვერენიტეტის დაცვით და არა იმით, რითიც თქვენ ბრძანდებით დაკავებული და რასაც მეტყველებს განცხადებები. ეს არის ჩვენი ქვეყნის ინტერესების შელახვა, ქვეყნის დისკრედიტაცია და ქვეყნის საზღვრებს გარეთ", _ განაცხადა წიკლაურმა.
შეგახსენებთ, რომ დეპუტატებმა მთავრობის ახალი პროგრამა და მინისტრთა კაბინეტი უნდა დაამტკიცონ.
