" ყოფილი ხელისუფლების წევრების კომპანიების მხრიდან ხელოვნური ჩართულობით, გაზრდილია გაზისა და ელეტროენერგიის ფასები, ამის შესახებ განცხადება საქართველოს პრემიერ-მინისტრობის კანდიდატმა ბიძინა ივანიშვილმა საპარლამენტო უმცირესობასთან შეხვედრისას გააკეთა. ბიძინა ივანიშვილის თქმით, დაგეგმილია, რომ შუალედური კომპანიები, რომლებიც ელექტრომატარებელზე ფასებს ხელოვნურად ზრდიდნენ, თამაშიდან ამოვარდებიან.
"იმ კომპანიების ჩამოშორებით, რომლებიც ხელოივნურად მონაწილეობენ ფასების შექმნაში უახლოეს პერიოდში შესაძლებელი იქნება ტარიფების დაწევა", - აცხადებს პრემიერ-მინისტრობის კანდიდატი.
ივანიშვილი პირობას დებს, რომ ხელისუფლებაში მოსვლისთანავე, მისი მთავრობა დაიწყებს მუშაობას, რათა ქვეყანაში გაზისა და დენის ტარიფი შემცირდეს.
"ჩვენ ხელისუფლებაში მოსვლის პირველივე დღეებიდან მოვახერხებთ და გავაკეთებთ რეალურ ანალიზს, ეხლა გვაქვს ციფრები, მე ვიცი, რა ფასად ვყიდულობთ ჩვენ გაზს, რამდენი გვაქვს უფასო და რამდენი გვაქვს დაბალი ფასით. მე მგონი საშუალო ფასი, ვიდრე დისტრიბუციამდე მივა 143 თუ 159 დოლარია, ზუსდა არ მახსოვს, თუმც არიან კომპანიები, რომლებიც ახერხებენ ამ ფასის ხელოვნურად გაზრდას. მე არ მინდა დღეს ამაზე კონკრეტულად ვისაუბრო და ამაზე მოგვიანებით თქვენ ყველაფერს გაიგებთ
ასეთივე წარმოდგენა გვაქვს ელეტროენერგიაზეც, რომ ხშირად ხელისუფლების წევრების კომპანიების მხრიდან ხზელოვნური ჩართულობით, გაზრდილია გაზისა და ელეტროენერგიის ფასები. ჩვენ გვაქვს ასეთი ინფორმაცია და ხელისუფლებაში მოსვლის შემდეგ ამაზე ინფორმაციას ყველას გავაცნობთ", - აცხადებს ივანიშვილი.