მთავარი სტრატეგიული პარტნიორობა ამერიკასთან სამხედრო სფეროში გაგრძელდება, - ამის შესახებ განცხადება თავდაცვის მინისტრობის კანდიდატმა ირაკლი ალასანიამ დღეს პარლამენტში, კომიტეტის სხდომაზე გააკეთა.
მისი თქმით, სამხედრო ტექნიკურ სფეროში თანამშრომლობა გაღრმავდება და დაიწყება შეიარაღების გადმოცემა და შესყიდვა.
„თავდაცვის სამინისტროში გამჯდარი იყო უპასუხისმგებლობა, სამოქალაქო კონტროლი არ იყო და სამხედროების მიმართ ღირსების შემლახველი შემთხვევები არსებობდა. ჩვენი მიზანია, ჯარისკაცისთვის შეიქმნას ყველა შესაძლებლობა, სოციალური დაცვა, რომ მან შეასრულოს მნიშვნელოვანი მისია", - განაცხადა ალასანიამ.
