ქრისტიან-დემოკრატების ლიდერი გიორგი თარგამაძე ბრიტანეთის პრემიერ მინისტრს დევიდ კამერონს შეხვდა. შეხვედრას, რომელიც ევროპელი დემოკრატებისა და რეფორმისტების ალიანსის ლიდერთა სამიტის ფარგლებში ბრიუსელში შედგა, პარტიის საერთაშორისო მდივნი გიორგი რუხაძეც ესწრებოდა.
ორმხრივ შეხვედრაზე გიორგი თარგამაძემ დევიდ კამერონს საქართველოში მიმდინარე პოლიტიკური მოვლენები გააცნო და დემოკრატიის განვითარებისა და მრავალპარტიული პოლიტიკური გარემოს ჩამოყალიებების პერსპექტივებზე ესაუბრა.
"ქართველ ქრისტიან-დემოკრატებს და ბრიტანელ კონსერვატორებს გვაქვს საერთო ღირებულებები და ინტერესები, რომელიც მდგომარეობს საქართველოში და კავკასიის რეგიონში დემოკრატიისა და სამოქალაქო საზოგადოების განვითარებისა და მრავალპარტიული პოლიტიკური გარემოს ჩამოყალიბების პროცესში. პირისპირ შეხვედრისას ბრიტენთის პრემიერ მინისტრისგან მივიღე დაპირება, რომელის მიხედვითაც ევროკავშირი და კონკრეტულად გაერთიანებული სამეფო თვალს ყურადღებით მიადევნებს საქართველოს ახალი ხელისუფების მოქმედებას და კიდევ უფრო აქტიურად გააგრძელებს დემოკრატიული პროცესების მხრადაჭერას" - განაცხდა თარგამაძემ. მოგვიანებით ქრისტიან დემოკრატების ლიდერმა ევროპის კონსერვატიული პარტიების ლიდერებს სიტყვითაც მიმართა.
საქართველოს "ქრისიტან-დემოკრატიული მოძრაობა" როგორც ევროპის ქრისტიან - დემოკრატიული ოჯახის, ასევე ევროპელი კონსერვატორებისა და რეფორმისტების ალიანსის სრული წევრია. ალიანსი, რომელიც ევროპარლამენტში მძლავრი ფრაქციითაა წარმოდგენილი და 12-ტ მემარჯვენე -კონსერვატიულ პარტიას აერთიანებს, ევროპაში ყველაზე სწრაფად მზარდი ინტერ-პარტიული გაერთიანებაა.