დღეს, 18 ოქტომბერს, 18:00 საათზე საქართველოს პარლამენტის ეროვნული ბიბლიოთეკის საგამოფენო დარბაზში ფოტორეპორტიორ ჯემალ კასრაძის ფოტოგამოფენა გაიხსნება. ექსპოზიციაზე წარმოდგენილი იქნება 100-ზე მეტი ფოტო.
კადრები, რომელსაც ავტორი 35 წლის განმავლობაში აგროვებდა, მოიცავს ეროვნული მოძრაობის პერიოდს, მნიშვნელოვან სპორტულ, საზოგადოებრივ თუ პოლიტიკურ პროცესებს. წარმოდგენილი იქნება ასევე ფოტორეპორტიორის საინტერესო რაკურსით დანახული ცნობილი საზოგადო და პოლიტიკური მოღვაწეების პორტრეტები.
ჯემალ კასრაძეს გამოცემული აქვს წიგნები "ჩიტებით სავსე ყუთი", "ვაჟა კაჭარავა" და ერთი ფოტოალბომი.
ეროვნული ბიბლიოთეკა ჯემალ კასრაძის ფოტოგამოფენას კვირის ბოლომდე უმასპინძლებს.
