რუსეთის საგარეო საქმეთა სამინისტროში კონსტრუქციულს უწოდებენ საქართველოს პრემიერ-მინისტრობის კანდიდატის ბიძინა ივანიშვილის განცხადებას იმის შესახებ, რომ საქართველო სოჭის 2014 წლის ოლიმპიადის ბოიკოტირებას არ აპირებს.
"თუ მასობრივი ინფორმაციის საშუალებებით გახმოვანებული ეს განცხადება ადეკვატურია, მაშინ ჩვენ მას პოზიტიურად მივიჩნევთ. რუსეთი მიესალმება ქართველი სპორტსმენების მონაწილეობას მსოფლიო სპორტის ამ დიდი ზეიმში - XXII ზამთრის ოლიმპიურ თამაშებში და 2014 წლების სოჭის XII პარალიმპიურ თამაშებში",_ აცხადებს რუსულ მედიასთან საუბარში რუსეთის საგარეო საქმეთა სამინისტროს საგანგებო დავალებათა ელჩი ვალერი კუზმინი, რომელიც უწყების მუშაობის ორგანიზებას ახდენს ოლიმპიადისთვის მზადების საკითხებში.
"ამ განცხადების განხილვა შეიძლება როგორც კონსტრუქციულის",_ აცხადებს დიპლომატი.
