პორტუგალიაში ტყის ხანძრებს ებრძვიან.
მედიის ცნობით, ქალაქ აროუკაში ტყის ხანძრის ქრობისას მეხანძრეების მანქანა ავარიაში მოყვა. შემთხვევის შედეგად ოთხი მეხანძრე დაშავდა, სამი - მძიმედ. ოთხივე საავადმყოფოში გადაიყვანეს.
ხანძარი აროუკაში ორშაბათს, 17 აგვისტოს გაჩნდა და რთულად მისადგომ ტერიტორიაზე გავრცელდა.. მის ჩაქრობაში 480 მეხანძრე, 161 სახანძრო მანქანა და ერთი თვითმფრინავი მონაწილეობს
ტორე-დე-მონკორვოში კი ცეცხლმა დაახლოებით 700 ჰექტარი მოიცვა. ტორე-დე-მონკორვოში ხანძრის ჩასაქრობად მობილიზებულია 517 მაშველი, 168 სახანძრო-სამაშველო მანქანა და ოთხი თვითმფრინავი.
ასევე, კიდევ ერთი ძლიერი ხანძარი გაჩნდა სანტო-ტირსოში. სამივე კერის ლოკალიზებაში ჯამში 1 200-ზე მეტი მეხანძრე მონაწილეობს.
