"მე სამეგრელოს ერთგული დავრჩები, სადაც არ უნდა წავიდე", - ამის შესახებ თავდაცვის მინისტრობის კანდიდატმა ირაკლი ალასანიამ დღეს ზუგდიდში გამართულ პრესკონფერენციაზე განაცხადა.
მისი თქმით, ზუგდიდში უკვე იგრძნობა თავისუფლება და ამდენი მომღიმარი სახეები კი დიდი ხანია არ უნახავს.
"იწყება ახალი ხანა აღმავლობის და განვითარებისა. რა თქმა უნდა ზუგდიდი და სამეგრელო ერთ-ერთ მთავარ როლს შეასრულებს ამ განვითარებაში", - განაცხადა ალასანიამ.
ირაკლი ალასანიას განცხადებით, თავდაცვის მინისტრად დამტკიცების შემთხვევაში, მისი პრიორიტეტი ჯარისკაცი იქნება. მისივე განმარტებით სამინისტრო გათავისუფლდება კორუფციისგან და იქნება გამჭვირვალე.