მისი განცხადებით, ასპინძში, მე-20 უბანზე, გარეთ დგანან მანქანები და ამომრჩევლებს ურიგებდნენ კალმებს, ხოლო გარეთ გამოსულებს სთხოვენ, რომ ეს კალმები უკან ჩააბარონ.

"ყველაზე დიდ უბანზე ასპინძაში, მე-4 უბანზე, ერთდროულად უშვებენ 10 კაცს, მე-6 უბანზე მისულია 6 კონვერტით ნაკლები და ოპერატორს არ აძლევენ მუშაობის საშუალებას, მე-3 უბანზე ხდებოდა ყალბი მოწმობების გამოყენება, აღმოჩენილია ყალბი პირადობის მოწმობები. ამავე უბანზე გარეთ დგანან პოლიციელები, სამოქალაქო ტანსაცმელში და ხალხს აშინებენ. ერთ-ერთი მათგანი ადგილობრივი პოლიციელი გია ჯვარიძეა", - განაცხადა ფანჯიკიძემ.

მისი თმით, უამრავი დარღვევაა ფოთში, ხოლო წყალტუბოში, ბევრ უბანზე, კოალიციის კოორდინატორებს დაუკავშირდნენ უცნობი პირები და 250 ლარის აღების ბრალდებით პოლიცაში დაიბარეს.

"დარღვევებია თბილისშიც. მე-18 უბანზე მარკირების სითხის ნაცვლად ჩვეულებრივი წყალი გამოიყენება, ხოლო მათ ცხელ ხაზზე შემოსულ ზარებზე დაყრდნობით აეროპორტის დეპარტამენტის თანამშრომლები, მიჰყავთ დიღომში სპეციალურ უბანზე ხმის მისაცემად და მათ არ აქვთ თავისუფალი არჩევნის საშუალება", - განაცხადა მან და დასძინა, რომ როგორც ანონიმურმა წყარომ კოალიციას ცხელ ხაზზე შეატყობინა, რუსთავის მე-16 ბატალიონის შემადგენლობას, რომელსაც მორიგეობა დაუმთავრდა, საღამოს 20:00 საათამდე არ უშვებენ სახლებში. აღნიშნული დარღვევები იმას მოწმობს, რომ ხელისუფლება გაყალბებისთვის ემზადება", - აცხადებს ფანჯიკიძე.