დღეს, 30 სექტემბერს, თბილისის მეოთხე საერთაშორისო თეატრალური ფესტივალი დასრულდება.
ფესტივალი 14 სექტემბერს გაიხსნა. 16-18 სექტემბერს წარმოდგენილი იყო ქართული სპექტაკლები, 19-30 სექტემბერს კი სცენა საერთაშორისო პროგრამას ეთმობა.
თეატრალური ფესტივალი 2009 წელს დაფუძნდა ქალაქ თბილისის მერიის მიერ და ყოველწლიურად ტარდება. მისი მიზანი ქართული თეატრისა და კულტურის, თბილისისა და საქართველოს პოპულარიზაციაა მსოფლიო კულტურული და ინტელექტუალური ყველაზე მნიშვნელოვანი მოვლენების რიგში.
1-4 ოქტომბერი ჩატარდება თემურ ჩხეიძის ვორქშოფი ახალგაზრდა რეჟისორთათვის.