"საქსტატი" ყოველთვიური ეკონომიკური მაჩვენებლების გამოქვეყნებას იწყებს, ამის შესახებ განცხადება სტატისტიკის ეროვნული სამსახურის აღამსრულებელმა დირექტორის მოვალეობის შემსრულებელი ზაზა ჭელიძე განაცხადა.
ჭელიძის განმარტებით, რეფორმირებული სტატისტიკის სამსახური საზოგადოებას მალე ახალ ინიციატივებსა და მიმართულებებს შესთავაზებს.
"მნიშვნელოვანი სიახლე იქნება ის, რომ ახალი სამსახური ყოველთვიური ეკონომიკური მაჩვენებლებისა და პარამეტრების გამოქვეყნებას დაიწყებს. საზღვარგარეთის გამოცდილებაა, რომ მშპ-ს მაჩვენებლები ყოველთვიურად გამოქვეყნდეს, თუმცა საქართველოში სათანადო რესურსი არ გააჩნია. საწარმოთა მაჩვენებლების კვლევა დღეისათვის მხოლოდ ყოველკვარტლულად კეთდება და ასეთ ვითარებაში ყოველდღიური თუნდაც ყოველკვირეული მაჩვენებლების გამოქვეყნება რთულია"- აცხადებს ზაზა ჭელიძე.
შეგახსენებთ, რომ 1-ლი თებერვლიდან ფუნქციონირება დაიწყო ახალმა სტატისტიკის ეროვნულმა სამსახურმა (ვებ-გვერდი: წწწ.გეოსტატ.გე). დაინიშნა სამსახურის აღმასრულებელი დირექტორის დროებითი მოვალეობის შემსრულებელი ზაზა ჭელიძე. დამტკიცდა და ძალაში შევიდა ახალი სტრუქტურა და დებულება. შეიქმნა რამდენიმე ახალი სტრუქტურული ერთეული.
სტატისტიკის ეროვნული სამსახური შექმნილია "ოფიციალური სტატისტიკის შესახებ" 2009 წლის 11 დეკემბრის საქართველოს კანონის საფუძველზე და მისი საქმიანობა ეფუძნება ოფიციალური სტატისტიკის ძირითად პრინციპებ
