ყველა ტექნიკური სამუშაო, რომელიც დაკავშირებულია სარკინიგზო მაგისტრალის მშენებლობასთან, მარშრუტით ბაქო-თბილისი-ყარსი, ამ წლის ბოლომდე მთლიანად დასრულდება. მომავალი წლის პირველ ნახევარში ეს მარშრუტი მზად იქნება ექსპლუატაციისთვის. ამის შესახებ ჟურნალისტებთან შეხვედრაზე აზერბაიჯანის ტრანსპორტის მინისტრმა ზია მამედოვმა განაცხადა.
"ამჟამად ესპანელ მწარმოებლებთან მიმდინარეობს მოლაპარაკება ახალი სამგზავრო მატარებლების შესაძენად, რომელთა გაშვება ამ მარშრუტზე იგეგმება", - დასძინა მინისტრმა.
ბაქო-თბილისი-ყარსი პროექტის ფარგლებში იგეგმება 105-კილომეტრიანი ახალი სარკინიგზო მაგისტრალის მშენებლობა,რომლის 76 კილომეტრი თურქეთის,ხოლო 29 კილომეტრი საქართველო ტერიტორიაზე გაივლის. გარდა ამისა, საქართველოში რეკონსტრუქცია ჩაუტარდება ახალქალაქი-მარაბდა-თბილისის სარკინიგზო მონაკვეთს,რაც წელიწადში 15 მილიონი ტონით გაზრდის მის გამტარუნარიანობას.
გამშვები კორიდორის გამტარუნარიანობის პიკი (რომელიც ექსპლუატაციაში 2013 წლის დასაწყისში შევა) შეადგენს 17 მილიონ ტონა ტვირთს. საწყის ეტაპზე ეს მაჩვენებელი იქნება ერთი მილიონი მგზავრის და 6,5 მილიონი ტონა ტვირთის დონეზე.
