"ქრისტიან-დემოკრატიული მოძრაობა" რეგიონებში შეხვედრებს განაგრძობს. გურიის შემდეგ პარტიის ლიდერები ზუგდიდის მოსახლეობას შეხვდნენ. შეხვედრა კინოთეატრ "ატრიუმში" გაიმართა, სადაც გიორგი თარგამაძე, ლევან ვეფხვაძე, ნიკა ლალიაშვილი და გიორგი ახვლედიანი დეტალურად გაეცნენ მოსახლეობაში არსებულ პრობლემებს. განიხილეს სხვადასხვა სოციალური საკითხი, საუბარი შეეხო დევნილთა პრობლემებსა და ტერიტორიული მთლიანობის თემას. შეხვედრა კითხვა-პასუხის რეჟიმში წარიმართა.
"ქრისტიან-დემოკრატები ვაგრძელებთ ტრადიციას, რომლის მიზანი ინტენსიური შეხვედრების გზით მოსახლეობასთან მჭიდრო ურთიერთობების შენარჩუნებაა. ჩვენ ვცდილობთ ზუსტად გავიგოთ რა არის მთავარი პრობლემები და პრიორიტეტების მიხედვით დავეხმაროთ მათ ამ პრობლემების მოგვარებაში."- განაცხადა გიორგი თარგამაძემ.
