რუსეთ-საქართველოს ომის სამი წლისთავთან დაკავშირებით თურქეთსა და საბერძნეთში აქცია გაიმართა.
თურქეთში მცხოვრები ქართველები რუსული აგრესიის წინააღმდეგ სტამბულში გამოვიდნენ. ათობით დემონსტრანტმა ჯერ ქუჩაში მსვლელობა მოაწყო, შემდეგ კი რუსეთის საელჩოსთან შეიკრიბნენ, სადაც ოკუპაციის ამსახველი ფოტოები და პლაკატები გამოფინეს, რომლითაც ისინი საქართველოს ტერიტორიებიდან რუსული ჯარების გაყვანას მოითხოვდნენ.
აქციაში ქართველების გარდა თურქებიც მონაწილეობდნენ.
ანალოგიური ტიპის აქცია გამართეს ქართველებმა საბერძნეთშიც. მასში დაახლოებით 50 ქალი მონაწილეობდა. მიტინგი საათნახევარს გაგრძელდა.
შეგახსენებთ, რომ 2008 წლის აგვისტოს ომიდან სამი წელი გავიდა.
