"დავიღალე, დავიღალე, მოდი ჩემთან უფალო" მუსიკა მას შემდეგ დავწერე რაც ცხინვალის რეგიონიდან დავბრუნდი, სადაც ვიხილე მიცვალებულები, რომელთა დამმარხავი არავინ იყო. იხსენებს სრულიად საქართველოს პატრიარქი, უწმინდესი და უნეტარესი ილია II 2008 წლის აგვისტოს უკრაინის პირველ ნაციონალურ არხთან საუბრისას.
"მე ვიყავი გორში და ცხინვალის ეპარქიაში და ძალიან მძიმე სანახავი იყო მოკლულების ნახვა, რომელთა დამმარხავიც კი არავინ იყო.
როდესაც ჩვენ მივდიოდით იქით გზის პირას დავინახე მანქანა, რომელშიც მძღოლი იჯდა, როდესაც ვბრუნდებოდით ეს მძღოლი ისევ იქ იჯდა. ვთქვი გააჩერეთ, რა სჭირს-თქო. აღმოჩნდა, რომ იგი გარდაცვლილი იყო, იჯდა საჭესთან და ასევე დარჩა.
მისი დამმარხველი არავინ იყო. ჩვენ იგი ამოვიყვანეთ და ჩემთან ერთად თბილისში წავიყვანეთ 6 თუ 7 გარდაცვლილი", _ იხსენებს უწმინდესი და თხრობას აგრძელებს:
"შემდეგ მე გავაგზავნე სასულერო პირები და ჩვეულებრივი ადამიანები რათა გარდაცვლილები დაეკრძალათ. ეს ძალიან მძიმე იყო და ამის გახსენება ახლაც მძიმეა. მე დავწერე მუსიკა "დავიღალე, დავიღალე, მოდი ჩემთან უფალო" ანუ ადამიანი იღლება და ეცემა და მას არ შეუძლის თავისი გზის გაგრძელება და სთხოვს უფალს მასთან მივიდეს", _ ბრძანა პატრიარქმა და ჟურნალისტს თავისი საგალობლების დისკი უსახსოვრა.
