"ახალი მემარჯვენეების~ სიღნაღის რაიონული ორგანიზაციის ხელმზღვანელის მალხაზ ხუციშვილის განცხადებით, სიღნაღის რაიონში სკოლის მოსწავლეებს ნაციონალურ მოძრაობაში აწევრიანებენ.
როგორც ხუციშვილმა კახეთის საინფორმაციო ცენტრს აცნობა, ნაცმოძრაობის ადგილობრივი ორგაიზაციის აქტივისტები სკოლებში შედიან და ბავშვებს პარტიის ახალგაზრდულ ორგანიზაციაში გაწევრიანებისაკენ მოუწოდებენ. ხუციშვილის თქმით, სანაცვლოდ მათ დასასვენებლად ბანაკებში გამგზავრებას და სხვა ღონისძიებებში მონაწილეობას პირდებიან.
ეს ინფორმაცია კახეთის საინფორმაციო ცენტრთან საუბარში წნორის პირველი საჯარო სკოლის პედაგოგებმაც დაადასტურეს.
`სიღნაღის სკოლებში კომკავშირი დაბრუნდა~, - აცხადებს `ახლების~ წარმომადგენელი.
აღნიშნულს უარყოფს კახეთის გიუბერნატორის მოადგილე პეტრე კიკნაძე. `პირველად თქვენგან მესმის ეს ინფორმაცია. არ ვადასტურებ და არც ის ვიცი, ბავშვები პარტიაში როგორ უნდა გააწევრიანონ~, - განაცხადა გუბერნატორის მოადგილემ.
