დეპუტატები კონსტანტინე გამსახურდია და ჯონდი ბაღათურია კოლეგებს მოუწოდებენ, შეუერთდენენ მათ მოთხოვნას ცოტნე გამსახურდიასთვის აღმკვეთი ღონისძიების პირადი თავდებობით შეცვლასთან დაკავშირებით.
გამსახურდიამ და ბაღათურიამ საქართველოს ცოტნე გამსახურდიასთვის აღმკვეთი ღონისძიების შეცვლისა და მისი თავდებით გათავისუფლების მოთხოვნით პარლამენტში ხელმოწერების შეგროვება დაიწყეს.
როგორც პარლამენტის დღევანდელ პლენარულ სხდომაზე დეპუტატმა კონსტანტინე გამსახურდიამ განაცხადა, ცოტნე გამსახურდიას ჯანმრთელობა გაუარესდა. მისივე თქმით, იგი თავს იკავებდა საჯარო გამოსვლისგან, თუმცა პრეზიდენტისადმი მიმართვის გარდა, მას სხვა გზა აღარ დარჩა.
"ვერიდებოდი საჯარო გამოსვლასაც, თუმცა ახლა სხვა გზას ვერ ვხედავ და ამიტომ მივმართავ პრეზიდენტს, გამოიჩინოს შუამდგლომლობა და ცოტნე გამსახურდიას აღმკვეთი ღონისძიება - პატიმრობა თავდებობით შეეცვალოს", - კონსტანტინე გამსახურდიამ. აღსანიშნავია, რომ კონსტანტინე გამსახურდიას და ჯონდი ბაღათურიას მოთხოვნას "ქრისტიან-დემოკრატებიც" უერთდებიან.
კონსტანტინე გამსახურდიან მიხეილ მაჭავარიანმა განუმარტა, რომ პრეზიდენტისადმი მიმართვა სამართლებლივად არასწორია და დეპუტატებს ურჩია, რომ კონსულტაცია იურიდიულ საკითხთა კომიტეტთან გაიარონ. მისივე განმარტებით, პრეზიდენტს შეუძლია ჩაერიოს მხოლოდ იმ შემთხვევაში, თუ პირს სასჯელი უკვე მისჯილი აქვს.
