28 აპრილს შვეიცარიაში ბერნში, გაიმართება საქართველოისა და რუსეთის რიგით მეორე მოლაპარაკება რუსეთის ვაჭრობის მსოფლიო ორგანიზაციაში გაერთიანების საკითხზე.
როგორც რუსულ გამოცემა "ოგანიოკ"-ისთვის მიცემულ ინტერვიუში საქართველოს საგარეო საქმეთა მინისტრმა გრიგოლ ვაშაძემ განაცხადა, რუსეთს მოუწევს საქართველოს ესაუბორს, როგორც თანაბარს და დასძინა, რომ ქართული დელეგაცია მიზნად არ ისახავს ვმო-შო რუსეთის გაერთიანების დაბლოკვას.
ვაშაძემ აღნიშნა, რომ საქართველოს არავითარ ზეწოლას არ გინიცდის საკუთარი პარტნიორებისგან და მას კარგად ესმის, რომ რუსეთის ვმო-ში გაწევრიანება მსოფლიო ეკონომიკას სარგებელს მოუტანს.
"ჩვენ ბერნში, შვეეიცარიაში მივემგზავრებით არა იმისათვის რომ დავბლოკოთ რუსეთის ვმო-ში გაწევრიანება. ...ჩვენ მივემგზავრებით იქ, რათა რუსეთის დელეგაციასთან ერთად ვიპოვოთ ურთიერთმისაღები გამოსავალი იმ იურიდიული კოშმარიდან, რომელიც მოსკოვმა შექმნა თავისი დაუფიქრებელი ნაჩქარევი, ემოციური და სულელური გადაწყვეტილებით ეღიარებინა აფხაზეთისა და ცხინვალის რეგიონის ე.წ. დამოუკიდებლობა", - განაცხადა ვაშაძემ.
იმავდროულად, საქართველოს საგარეო უწყების ხელმძღვანელმა ხაზგასმით აღნიშნა რომ საქართველოს ხელისუფლება მიდამ აცხადებდა, რომ აწარმოებს მოლაპარაკებებს მხოლდ ვმო-ს წესდების, წესებისა და პროცედუების საფუძველზე.
"არავითარი პოლიტიკური სამხედრო და სხვა თემები, რომლებიც საკითხს არ ეხება ჩვენგან მოლაპარაკების მაგიდაზე არ დაიდება", - განაცხადა ვაშაძემ.
