დაკავებული ჟურნალისტის, ელისო კილაძის ადვოკატის, ნათია კოტრიკაძის განცხადებით, მისი დაცვის ქვეშ მყოფი მამუკა მდინარაძის შურისძიების მსხვერპლია.
მისი თქმით, ელისო კილაძე, ციხიდან გამოსვლისთანავე დაიწყებს მდინარაძის მხილებას და ეს მოხდება მტკიცებულებების საფუძველზე და არა ისე, როგორც თავად ჟურნალისტი დააკავეს.
"არის ვიდეომასალა, რომელიც თითქოს დაუდეს საფუძვლად გამამტყუნებელი განაჩენისთვის ელისო კილაძეს, მაგრამ იმედები ძალიან დიდი გვაქვს, გამომდინარე იქიდან, რომ ე.წ. ბოსი, მამუკა მდინარაძემ დატოვა ხელისუფლება, რომ ვითომ დაიღალა დაიღალა იმით, რომ გააკეთა ამდენი სიბინძურე. ჩვენ იმედი გვაქვს, რომ ელისო კილაძე უფრო მეტს იტყვის აღნიშნულ პიროვნებაზე, რადგან ყველასთვის ცნობილია, რომ მამუკა მდინარაძესთან დაკავშირებით, მან გააკეთა განცხადება, კრიპტოვალუტასთან დაკავშირებით და ზუსტად, ეს იყო საფუძველი, რომ ელისო კილაძე დაეკავებინათ იმ ფორით, რა ფორმითაც დააკავეს. ეს იყო მამუკა მდინარაძის შეკვეთა, რომელიც შესრულდა, თუმცა, ბოლომდე ვერ შეარსულეს, რადგან ჩამოსცილდა პოლიტიკას", - თქვა ნათია კოტრიკაძე.
ჟურნალისტის კითხვაზე, აპირებს თუ არა ელისო კილაძე საჭირების შემთხვევაში მამუკა მდინარაძის წინააღმდეგ მისცეს ჩვენება, ადვოკატი ამბობს:
"მტკიცებულებები აქვს თუნდაც იმ კრიპტოვალუტასთან დაკავშირებით, შენახული აქვს. იგი გამოსვლისთანავე დაიწყებს მხილებას მდინარაძის მტკიცებულებებით და არა ისე, როგორც მდინარაძემ გააკეთა ირაკლი ღარიბაშვილის და სხვა პირთა მიმართ, თუნდაც ლილუაშვილთან, ის სიბინძურეები, რაც მან იკადრა. ელისო კილაძე ყველას მხილებას დაიწყებს აღნიშნულ თემასა და ბრალდებასთან დაკავშირებით",- განაცხადა ადვოკატმა.
