უკრაინის საგარეო საქმეთა მინისტრი ანდრი სიბიჰა კიევზე რუსეთის თავდასხმას ეხმიანება.
მისი თქმით, რუსეთი ბრძოლის ველზე წარუმატებლობის ფონზე უკრაინაზე საჰაერო თავდასხმებს აძლიერებს.
მისივე თქმით, უკრაინას სასწრაფოდ სჭირდება დამატებითი საჰაერო და სარაკეტო თავდაცვის სისტემები, ასევე გადამჭერირაკეტები.
"ჯოჯოხეთური ღამე კიევში.
რუსეთის ბარბაროსული თავდასხმის შედეგად, რომლის დროსაც დაახლოებით სამი ათეული ბალისტიკური რაკეტა გამოიყენეს, სულ მცირე 9 ადამიანი დაიღუპა და 23 დაშავდა. ეს მხოლოდ ორი დღის განმავლობაში განხორციელებული მეორე ასეთი მასშტაბური დარტყმაა.
ბრძოლის ველზე მიზნების მიღწევის უუნარობის გამო, რუსეთი აძლიერებს საჰაერო თავდასხმებს და მშვიდობიანი მოსახლეობის წინააღმდეგ ტერორს. უკრაინას სასწრაფოდ სჭირდება დამატებითი საჰაერო და სარაკეტო თავდაცვის სისტემები და გადამჭერი რაკეტები.
გადაწყვეტილებების მიღებისა და მიწოდებების სისწრაფეს გადამწყვეტი მნიშვნელობა აქვს. ყოველი გადაწყვეტილება, რომელიც უკრაინის ცის დაცვას აძლიერებს, ადამიანების სიცოცხლეს გადაარჩენს, ხოლო ყოველი შეფერხება ადამიანების დაღუპვასა და სამხედრო დანაშაულებს იწვევს.
სწორედ ცისთვის ბრძოლა განსაზღვრავს ამ ომის განვითარებას. რაც უფრო ძლიერი იქნება უკრაინის თავზე საჰაერო ფარი, მით უფრო მოახლოვდება მშვიდობა“, - განაცხადა სიბიჰამ.
