რუსი ტერორისტები თავს დაესხნენ მძინარე მშვიდობიან მოსახლეობას, მათი სამიზნე მრავალსართულიანი საცხოვრებელი სახლები იყო, რათა მსხვერპლი მაქსიმალურად გაზრდილიყო, - ამის შესახებ უკრაინის საგარეო საქმეთა მინისტრი ანდრი სიბიჰა სოვიალურ ქსელში წერს.
როგორც სიბიჰა წერს, გასულ ღამეს ერთ-ერთი ყველაზე სასტიკი შეტევა იყო, რომლის დროსაც რუსებმა ათეულობით ბალისტიკური რაკეტა გამოიყენეს.
"ეს საშინელი ღამე იყო კიევისთვის. 20-ზე მეტი ბალისტიკური რაკეტა. სულ მცირე 11 დაღუპული და ათეულობით დაშავებული, მათ შორის ბავშვები.
დაიცავით უკრაინელი ბავშვები რუსული ბალისტიკური ტერორისგან! ამაზე უფრო გადაუდებელი ამოცანა არ არსებობს. ეს არის ჩვენი მთავარი გზავნილი ნატოს ამ კვირის სამიტისთვის.
როდესაც მსოფლიო ლიდერები ანკარაში მიემგზავრებიან, მსურს, რომ მათ მოისმინონ ის, რაც ამ ღამით კიევის ოჯახებმა მოისმინეს.
ეს იყო ერთ-ერთი ყველაზე სასტიკი შეტევა, რომლის დროსაც ათეულობით ბალისტიკური რაკეტა გამოიყენეს. აფეთქებების შემზარავი კანონადა - ერთმანეთის მიყოლებით.
რუსი ტერორისტები თავს დაესხნენ მძინარე მშვიდობიან მოსახლეობას, მათი სამიზნე მრავალსართულიანი საცხოვრებელი სახლები იყო, რათა მსხვერპლი მაქსიმალურად გაზრდილიყო.
ერთ-ერთ რაიონში ნანგრევებიდან მთელი დაღუპული ოჯახი ამოიყვანეს - დედა, მამა და შვილი.
სამაშველო ოპერაცია გრძელდება და, სამწუხაროდ, მსხვერპლის რაოდენობა, სავარაუდოდ, კიდევ გაიზრდება.
პუტინის გზავნილი ანკარის სამიტისადმი მარტივია: ის ბალისტიკურ რაკეტებს დაუმიზნებს მძინარე ბავშვებს და მკვლელობებს გააგრძელებს, ვიდრე ამის შესაძლებლობა ექნება.
როგორი იქნება ალიანსის ლიდერების პასუხი?
სუსტი ნაბიჯების დრო დასრულდა. ისინი მხოლოდ წაახალისებენ მოსკოვს, გააგრძელოს და გააფართოოს ტერორი უკრაინის ფარგლებს გარეთაც.
ანკარის სამიტის ყველაზე მნიშვნელოვანი შედეგი უნდა იყოს უკრაინის შესაძლებლობების გაძლიერება, რათა დავიცვათ ჩვენი ბავშვები რუსული ბალისტიკური ტერორისგან. ჩვენ გვჭირდება რეალური ნაბიჯები.
PAC-3-ის რაკეტები სწორედ იმისთვის შეიქმნა, რომ ადამიანები ასეთი ბარბაროსობისგან დაიცვას.
ათასობით ასეთი რაკეტა ინახება საწყობებში მთელ მსოფლიოში, როგორც შესაძლო საფრთხეებზე რეაგირების საშუალება.
მაგრამ უკრაინაში საფრთხეები შესაძლო არ არის! რუსული რაკეტები ყოველ კვირას კლავენ ადამიანებს.
უკრაინა ამჟამად მსოფლიოში ერთადერთი ქვეყანაა, რომელიც ყოველ კვირას ბალისტიკური შეტევების ქვეშ ექცევა. ამ ტერორისგან დაცვის საშუალებები სწორედ აქ უნდა იყოს.
და საჰაერო თავდაცვასთან დაკავშირებული ყველა გადაწყვეტილება ახლა გვჭირდება და არა მოგვიანებით. რადგან ჩვენთვის დრო ადამიანების სიცოცხლით იზომება", - წესრ სიბიჰა.
