ქვეყანაში ერთ-ერთი მთავარი და ფუნდამენტური პრობლემა არის სიღარიბე და ახსნა თუ როგორ არის ეს საკითხი ავადობის საფუძველი, - ამის შესახებ ისაუბრა ოპოზიციურმა ალიანის მიერ გამართულ ბრიფინგზე ევროპული საქართველოს ლიდერმა, გიგი წერეთელმა.
ბრიფინგზე ისაუბრეს დიუშენის კუნთოვანი დისტროფიის ირგვლივ განვითარებულ მოვლენებზე, სისტემურ პრობლემებსა და გამოსავლის გზაზე.
"სიღარიბის მაჩვენებლები კვლავ არის ძალიან მაღალი 390 000-ზე მეტი ბავშვი არის რეგისტრირებული სოციალურად დაცვის ბაზაში და აქედან 270 000 იღებს შემწეობას. ეს ციფრები ნიშნავს, რომ ეს ბავშვები პრაქტიკულად სიღარიბეში ცხოვრობენ. არის მრავალგანზომილებიანი სიღარიბე, არის აბსოლუტური სიღარიბეც და ჩვენ ვხედავთ ამას, რა რთულ მდგომარეობაში არიან ოჯახები.
მაშინ როცა ფასები იზრდება, მაშინ როცა ჩვენ ვხედავთ საბიუჯეტო თანხებიდან ასეული მილიონები იფლანგება და ილექება სწორედ ოლიგარქიული სისტემის მესვეურების ჯიბეებში და ეს ყველაფერი ქმნის ძალიან მძიმე ვითარებას, ემიგრაციის თვალსაზრისით, დემოგრაფიის თვალსაზრისით იმიტომ, რომ ეს ყველაფერი ერთმანეთთან არის დაკავშირებული. სიღარიბე არის ავადობის საფუძველი, განსაკუთრებით ბავშვებში და ჩვენ გვაქვს ამის ოფიციალური სტატისტიკა, 500 000-ზე მეტმა ადამიანმა დატოვა 3 წლის განმავლობაში საქართველო, აქედან დაახლოებით 20% ბავშვები არიან”, - განაცხადა წერეთელმა.
მისი თქმით, ყველა ადამიანს უნდა ესმოდეს, რომ მათი ინტერესია სწორედ ეს ცვლილებები.
“ყველა ადამიანი უნდა იყოს ჩართული ამ პროცესში, მათ შორის, 26 მაისის შეკრებაც უნდა იყოს მრავალრიცხოვანი, რომ ამ სისტემის ხელმძღვანელებმა კარგად გაიგონ ხალხის ხმა, რა უნდა ხალხს და რომ მხოლოდ დემოკრატიული ხელისუფლება შეძლებს ამ პრობლემების მოგვარებას და ალიანსს აქვს ძალიან სწორი ხედვა ამასთან დაკავშირებით”, - განაცხადა წერეთელმა
