უკრაინის პრეზიდენტმა ვოლოდიმირ ზელენსკიმ განაცხადა, რომ წლევანდელი ზამთარი ქვეყნისთვის ძალიან მძიმე იყო, თუმცა ახლა ფრონტზე ვითარება უკეთესია, ვიდრე ბოლო 10 თვეის განმავლოაბაში. ამის შესახებ მან ნიდერლანდურ მედიასთან ინტერვიუში ისაუბრა.
ზელენსკიმ აღნიშნა, რომ რეგულარულად ჩადის ფრონტის ხაზზე, რათა პირადად შეხვდეს სამხედროებს და გაიგოს მათი საჭიროებები. მისი თქმით, ჯარისკაცების საბრძოლო სულისკვეთების შენარჩუნება განსაკუთრებულად მნიშვნელოვანია.
„ძალიან მადლობელი ვარ ჩვენი ჯარისკაცების და მინდა მათ ყველანაირად დავუჭირო მხარი. რა თქმა უნდა, ჩემგან პირველ რიგში სამხედრო მხარდაჭერას ელიან. დროდადრო თავადაც მივდივარ ფრონტის ხაზზე, რათა გავიგო, რა ხდება და რა სჭირდებათ... ეს მნიშვნელოვანია, რადგან მათ საბრძოლო სულისკვეთებას ამაღლებს“, — განაცხადა ზელენსკიმ.
უკრაინის პრეზიდენტმა აღნიშნა, რომ ჯარისკაცები დაღლილები არიან, თუმცა სიძლიერეს ინარჩუნებენ.. მისი თქმით, ამჟამად სამხედროების საბრძოლო სულისკვეთება საკმაოდ მაღალია.
