აშშ-ის პრეზიდენტი დონალდ ტრამპი გეგმავს ირანს მისცეს შეზღუდული დრო, რათა წარადგინოს "ერთიანი წინადადება" და დიპლომატიური მოლაპარაკებები ხელახლა დაიწყოს. ამის შესახებ CNN-ს წყარომ განუცხადა.
წყაროის თქმით, ადმინისტრაციას არ სურს ცეცხლის შეწყვეტის რეჟიმის განუსაზღვრელი ვადით გახანგრძლივება და ასევე არ აპირებს ირანს მისცეს დრო, რომ მოლაპარაკებები კიდევ უფრო გააჭიანურის.
მათი ინფორმაციით, ტრამპი სკეპტიკურად იყო განწყობილი ცეცხლის შეწყვეტის რეჟიმის გაგრძელებაზე. პრეზიდენტს სურდა შეთანხმება რაც შეიძლება მალე დასრულდეს და იმედოვნებდა, რომ ვადის ზეწოლა ირანს მოლაპარაკების მაგიდასთან მიიყვანდა ცეცხლის შეწყვეტის ვადის ამოწურვამდე.
თუმცა, ტრამპის მთავარი მრჩევლები მიიჩნევენ, რომ ირანის ხელისუფლებაში არსებობს უთანხმოება და ლიდერებს არ აქვთ ერთიანი პოზიცია, რომელიც მოლაპარაკებების წარმომადგენლებს შეთანხმების საბოლოოდ გაფორმების შესაძლებლობას მისცემდა.
ტრამპის გადაწყვეტილება, თეირანს მეტი დრო მისცეს „ერთიანი წინადადების“ წარსადგენად, ასახავს ადმინისტრაციის სურვილს, კონფლიქტი დიპლომატიური გზით მოაგვაროს და ასევე მათ სიფრთხილეს სამხედრო დარტყმების განახლების მიმართ.
ამავდროულად, პრეზიდენტი მიიჩნევს, რომ აშშ-ის ბლოკადა ჰორმუზის სრუტეში ირანზე ზეწოლას შეინარჩუნებს, ვიდრე მოლაპარაკებები გაგრძელდება. თუმცა ტრამპის გუნდში ასევე აღიარებენ, რომ რაც უფრო დიდხანს გაგრძელდება ბლოკადა, მით უფრო დიდ ზიანს მიაყენებს ეს მსოფლიო ეკონომიკას.
