აშშ-ის პრეზიდენტმა დონალდ ტრამპმა იტალიის პრემიერ-მინისტრ ჯორჯია მელონისთან არსებული დაპირისპირების ფონზე განაცხადა, რომ აშშ იტალიას დახმარებას არ გაუწევს მას შემდეგ, რაც მისი თქმით, რომმა უარი თქვა ვაშინგტონის მხარდაჭერაზე.
„იტალია ჩვენ გვერდით არ იდგა, ამიტომ ჩვენც არ ვიდგებით მათ გვერდით“, – დაწერა დონალდ ტრამპმა Truth Social-ში.
ამასთან, ტრამპის განცხადებას თან ახლდა ბრიტანული გამოცემა The Guardian-ის სტატიის ბმული, რომელიც ეხებოდა იტალიის უარს აშშ-ის სამხედრო თვითმფრინავებისთვის სიცილიაში მდებარე ავიაბაზის გამოყოფაზე, რომლებიც ირანის წინააღმდეგ სამხედრო ოპერაციაში მონაწილეობენ.
მანამდე აშშ-ის პრეზიდენტმა, დონალდ ტრამპმა განაცხადა, რომ ჯორჯია მელონისთან ადრინდელი ურთიერთობა აღარ აქვს. აშშ-ის პრეზიდენტმა ეს მას შემდეგ თქვა, რაც იტალიის პრემიერმა ტრამპი რომის პაპზე თავდასხმების გამო გააკრიტიკა და უარი თქვა ირანში ომში ჩართვაზე.
