დიდი ბრიტანეთის პრემიერ-მინისტრმა კირ სტარმერმა და აშშ-ის პრეზიდენტმა დონალდ ტრამპმა ტელეფონით ისაუბრეს ჰორმუზის სტრუტეში საზღვაო მიმოსვლის აღდგენის საკითხზე.
დაუნინგ სტრიტის ინფორმაციით, ლიდერები შეთანხმდნენ, რომ არსებული ცეცხლის შეწყვეტის ფონზე პროცესი ახალ ეტაპზე გადადის.
„ორივე ლიდერმა აღნიშნა, რომ ახლა, როდესაც ცეცხლის შეწყვეტა ძალაშია და არსებობს შეთანხმება სრუტის გახსნაზე, გადავდივართ შემდეგ ეტაპზე – კონფლიქტის საბოლოო გადაწყვეტის გზის მოძიებაზე“, – აღნიშნულია განცხადებაში.
ახლო აღმოსავლეთში ვიზიტით მყოფი ბრიტანეთის პრემიერ-მინისტრი ამერიკის პრეზიდენტს ჰორმუზის სრუტის გახსნასთან დაკავშირებით სპარსეთის ყურის ქვეყნების ლიდერებთან გამართული მოლაპარაკებების შესახებ ელაპარაკა.
ლიდერები განაცხადეს, რომ აუცილებელია შეთანხმება პრაქტიკულ გეგმაზე, რათა უზრუნველყოფილი იყოს გემების უსაფრთხო მოძრაობა სრუტეში.
სტარმერი და ტრამპი შეთანხმდნენ, რომ უახლოეს ხანებში საუბარს ისევ გამართავენ.
