აშშ-ის პრეზიდენტმა დონალდ ტრამპმა განაცხადა, რომ აშშ ნავთობით ვაჭრობასთან დაკავშირებულ სანქციებს ნაწილობრივ აუქმებს, რათა ირანში მიმდინარე საბრძოლო მოქმედებების ფონზე ენერგომატარებლებზე ფასების მკვეთრი ზრდა შეაჩეროს.
ტრამპმა ამის შესახებ თეთრ სახლში ჟურნალისტებთან შეხვედრისას განაცხადა.
„ჩვენ ვაუქმებთ ნავთობთან დაკავშირებულ გარკვეულ სანქციებს ფასების შესამცირებლად. ჩვენ გვაქვს სანქციები ზოგიერთი ქვეყნის წინააღმდეგ, მაგრამ ამ სანქციებს ვაუქმებთ ვიდრე სიტუაცია არ დასტაბილურდება,“ - განაცხადა ტრამპმა.
ამავდროულად, ტრამპმა აღნიშნა, რომ სანქციები, შესაძლოა, ხელახლა აღარ დაწესდეს.
„ვინ იცის, შესაძლოა, მათი ხელახლა შემოღება აღარ დაგვჭირდეს.“
